فينك يا عربي

فينك يا عربي ياللى خرجت تصنع الربيع العربي من يومها ما رجعت لا شفناك ولا شفنا الربيع العربي لقينا الخريف مازال موجودا ولياليه الظلمة السود بس غيَّر هدومه وكلامه وأسلوبه بعدما قلنا الكابوس المرعب زال والحلم إللي انتظرناه سنين طويلة تحقق وأتاريّه صعب المنال والحال ما تغيَّرش والعواجيز هُمَه هُمَه ما تغيَّروش والضرب بالعصايا والخرطوش،،،، والظروف صعبة من فين نعيش حتى رغيف العيش ما فيّش والأولاد يسألوني فين أبونا عربي؟؟ كل يوم أقول لهم: أبوكم خرج بَدري وأحبس الدمعة بعيوني وأنا من جوايا أتأطَع ألوا راح ميدان التحرير يفتح نوافذ الحرية ويكسر أغلال العبودية لكن كان الثمن غاليا والحكاية أكبر من عربي ومن دمه الليّ سال؟؟والبلد كبير والفساد فيه أكبر ولاهي حكاية يوم وليلة وتبقى الحياة وردية لكن سنين طويلة والبلد كانت مسروقة والثورة خسائرها كل يوم تكبر مين نحاسب ومين نخلي؟؟ يا ليت نترك الماضي نخليه يّوَلي ونبدأ من جديد لان البلد قرب يضيع والسياحة مَضّروبة والاقتصاد مَدّمر والليّ تْسَرق ما يرجعشي ومصر العزيزة لا بد تبقى عزيزة هيَّ أُم العرب الكبيرة خلاص كفاية والله تعبنا،،،من فين يعيش المساكين وين فلوسكم يا عرب لي ابتدوها للغريب ولي وعدتونا بيها؟؟ ولا على شان الثورة عايزينها ما تنجحشي وتلاقوا نفس المصير!! وآخر الكلام نشكر حكومتنا الرشيدة التي تعلم جيداً بواجباتها تجاه الأشقاء العرب وخاصة مصر التي بادرت بمد يد العون المادي لها فليس بغريب عليها ذلك................. [email protected]