الكشف والتكشف

اكشف دون أن تكشف .. والتكشف حالات ليست نادرة تصير ولا أبالغ أنها تصير على مساحة كبيرة وواسعة .. .. في أغلب الأماكن هناك من يمشي دون غطاء ..دون أقل من الستر .. والناس مشغولون دون رقابة ودون كلام أو اعتراض!!.ربما هناك من يتكلم .. كل هؤلاء يخرجون في الشارع شكل غريب.. يقولون حرية .. طيب تظهر شبهة " عرايا .. يعني ما نقول شيئا .. يصعب السكوت .. والسكوت يعني " الرضا " وهل يعني الرضا دون مخافة الله .. إحنا في بلد إسلامي .. دينا الإسلام وتقالدينا .. ما تمسح أن الناس لهذا الحد من " التكشف " !!.. يقال حرية " بدون ثياب " استر ياساتر !!.الآن نقدر نكشف حسابك .. وفي حالات أخرى تقدر تكشف أشخاصا يطلع حسابهم على الفاضي .. يعني بوقت تقدر تكشف .. وتصبح كشافا ..محترفا لتعرف المخفي وتصير لك سالفة .. والسالفة أن اللي كنت تشوفه ما فوقه فوق ..حالته خالية .. لا تحتاج شيئا من الذكاء .. حوار سهل وقصير .. تكشف معدنه خال "" مخ ما فيه .. ذكاء ما فيه .. حتى إحساس ما فيه !!.إذا ترغب كشف حساب البعض من خلال تجربة صغيرة .. ممكن يفضفض مافي بداخله من أسراره .. نفس الوقت يحاول يكون حريصا ما يعترف لك بكل شيء .. لكن سالفة تجر سالفة .. حتى يصير صاحبك " حنفية " كلام .. البعض " واحد أو وحده " ما فوقها فوق .. في الأخير أنت تربح الرهان.. وكل هذا البريق " المزركش ".. يطلع زائل مزور .. ما فيه غير " الغش " !!.في بعض الأحيان تكتشف بعض العيون تبوق .. وعيون الله يستر منها .. وعيون تفضح نفسها شنهو النوايا .. قراءة بسيطة من السهل معرفة سر البعض ومعرفة الخفايا .. وتصير أمامك حالات " مضحكة " كيف كانوا وصاروا .. الاعتراف بالذنب فضيلة .. لكن البعض ما يعترف بهذه " الذنوب " خلالها يحاول يمثل أمامك أنه " أسطورة " لكل ما حوله ومع كل الأشياء .. يغني على أطراف النزاهة والبراءة والصدق .. لكن فور ما تكشفه .. يصبح أمامك " نملة مقروصة " فتضحك على هؤلاء هوايتهم إدمان الكذب على نفسه قبل ما يكذب على الآخرين !!.تجارب واقعية أمامك خلال حصيلة من العبارات .. تشاهد ممن يعشقون المظاهر .. مجرد تقليد .. والبعض " نفاخة " فور ما تنفخه يطير .. البعض وهو يتكلم تحس أنه غير صادق .. مراوغ .. في نفس الوقت " غبي " لا يفهم أنه مكشوف عند الآخرين .. أحيانا يسوي نفسه " شخصية " وخر عنه .. وهو " فاضي "يحاول يمثل دور " صعب عليه المسكين !!. كم واحد منهم يكسر الخاطر !!.آخر كلام: قد تعرف خفايا البعض .. حالة بسيطة فقيرة " منفوخة وبـ" دبوس " يطير في الهوى ..!!.